Editorial Team

भारत म्हणजे केवळ प्रवासाचं ठिकाण नाही; तो इतिहास, संस्कृती, निसर्ग, अध्यात्म, वास्तुकला आणि विविधतेचा विलक्षण अनुभव आहे. किल्ल्यांपासून मंदिरांपर्यंत, हिमालयापासून समुद्रकिनाऱ्यांपर्यंत आणि लोकपरंपरांपासून आधुनिक शहरांपर्यंत भारताचं पर्यटन जगाला सतत आकर्षित करतं. जागतिक पर्यटन दिनानिमित्त भारताच्या समृद्ध पर्यटन वारशाचा अभिमान बाळगूया आणि तो अधिक जबाबदारीने जपूया. हार्दिक शुभेच्छा!

स्त्रीशिक्षणाचा आग्रह आणि विधवा पुनर्विवाहासाठीचा संघर्ष… या दोन्ही माध्यमांतून समाजसुधारणेची नवी वाट निर्माण करणारे महान समाजसुधारक ईश्वरचंद्र विद्यासागर यांचे कार्य आजही प्रेरणादायी आहे. ज्ञान, समानता आणि सामाजिक परिवर्तनाचा विचार समाजमनात रुजवणाऱ्या या थोर विचारवंतास जयंतीनिमित्त विनम्र अभिवादन!

गणरायाच्या निरोपातही पुढच्या भेटीची ओढ असते… “गणपती बाप्पा मोरया, पुढच्या वर्षी लवकर या!” सर्वांना अनंत चतुर्दशी व गणेश विसर्जनाच्या हार्दिक शुभेच्छा!  

वाजे कुटुंबियांच्या दातृत्वाचा सन्मान सोहळा आणि सभागृहाचे लोकार्पण

समाजासाठी केलेलं प्रत्येक छोटं काम राष्ट्रनिर्मितीच्या मोठ्या प्रवासाचा भाग असतं. वृक्षारोपण असो, स्वच्छता, रक्तदान किंवा शिक्षणाची सेवा – NSS तरुणाईला संवेदनशील, जबाबदार आणि समाजाभिमुख नागरिक घडवते. राष्ट्रीय सेवा योजना दिनानिमित्त सर्व स्वयंसेवक, विद्यार्थी, शिक्षक आणि संपूर्ण NSS परिवाराला मनःपूर्वक शुभेच्छा!

शब्दांशिवायही संवाद घडतो… कारण मनापर्यंत पोहोचण्यासाठी आवाजाची गरज नसते. सांकेतिक भाषा ही केवळ हातांच्या खुणांची भाषा नाही; ती भावना, विचार आणि माणसांना एकमेकांशी जोडणारा संवादाचा सेतू आहे. जागतिक सांकेतिक भाषा दिनानिमित्त सर्व कर्णबधिर बंधू-भगिनींना मनःपूर्वक शुभेच्छा!

होरायझन स्कूलच्या बांधकामावरील आरोपांना वार्षिक सर्वसाधारण सभेत ॲड. नितीन ठाकरे यांचे सडेतोड उत्तर — “एक इंचही बांधकाम अनधिकृत नाही; आणि अनधिकृत निघालं तर मी जेलमध्ये जायला तयार आहे. संस्थेचा सभासद असताना वैयक्तिक आकसातून संस्थेविरुद्ध तक्रारी करणे योग्य नाही.”

११२ वर्षांपूर्वी राजर्षी शाहू महाराजांच्या देणगीतून सुरू झालेलं उदाजी वसतिगृह… आणि आज त्याच परिसरात उभं राहिलेलं १३ मजली वसतिगृह — मविप्रच्या नव्या उंचीची पायाभरणी…